世紀疫症 促教學雙長 2021.01.09

Rosetti

自庚子年2020.2月便停課、上課再停課,擾攘至今都接近一年,大家還好嗎?

初班剛學了2段33式,遇上災情嚴重既肺炎,不可聚眾,須要停課。學習就此停了下來,6月復課,不到 2 個月,又要停課,上唔到堂,練習?總係欠D 動力,我希望大家持之以恆咁練習,提升免疫力。心想唔可以咁樣落去,當時,停課不停學,網上學習,大行其道。

雖然我既IT技術好水皮,又未試過網課,但都想盡量試下網上授課,網上好多免費軟件,初班能否一試?好,我地一齊嚟「與時並進」。

先解決硬件問題。

場地

搵定一個晴雨均可,寬敞的花園、平台、空間嚟做網上學堂,但又唔好人來人往,唔,我的練功小天地-「平台花園」好啱喎。

音效

戶外收音都幾嘈,喺維園拍既示範片段,聽到蟬鳴都好嘈喇,同埋我會走動,電線會絆手絆腳,藍芽耳機就無呢個障礙。

買藍芽耳機,店員分析利弊,便宜的耳機聽歌就可以,要是對方聽我講野,就會聽埋附近的雜音,如關門聲、風聲、叫囂聲、汽車引擎,想降低附近躁音,甚或只接收我發出的聲音,須要質素高既耳機。

我選的位置,有巴士爬上山發出的巨大引擎聲,偶爾好大風,有雀鳥和唱,更有小孩追逐聲組成的交響樂,想了又想,希望師弟妹能精神集中,教學只能獨唱,其他聲音都不要。

視訊

訊號接收要穩定,花園平台沒有wifi,數據要強。

如何調整教學內容流程及方式

互動、提問、自話自說、講解示範新招式、一齊反覆練習、熱身?如何調整,一於摸著石頭過河吧!

交功課

網上學堂,吸收如何?消化成點?我們都需要知道師弟妹既進度,先可以調整教授方法。交功課,最能體現教學進展。

考慮到初學者害羞心態,自拍錄影片段私訊我,再個別電話評功課。

由最初收到功課,於雙機狀態下錄影–睇住一部機播示範另一部機拍攝,到唔播片只聲音導航,再去到一機處理;亦有初次單獨演練的斷斷續續,到如今的一氣呵成;更有初現硬手硬腳,到現在稍為放鬆…..

為師弟妹的「堅持、努力」鼓掌。